70 ГОДИНИ ОД ПРЕРАСНУВАЊЕТО НА ГИМНАЗИЈАТА „ЈОСИФ ЈОСИФОВСКИ“ ВО ПОЛНА ГИМНАЗИЈА
Својот почеток СОУ „Јосиф Јосифовски“ го доживува во 1952 година кога неполната нижа гимназија со исто име прераснува во Полна (осумкласна) гимназија. Со работа започнува на 28. септември во ново-изградена зграда кај железничката станица во која учат трети, петти и еден шести клас.
Во оваа зграда, првата генерација матуранти завршија шести, седми и осми клас гимназија и се поставивија основите на еден широко развиен воншколски систем од разновидните културно-уметнички и спортски секции, кои го раздвижија целокупниот живот во Гевгелија.
Тие, првите матуранти од гевгелиската полна гимназија највеќе беа од Гевгелија и околината а ученици имаше и од Струмица, двајца и по еден од Прилеп и Куманово.
