8-МИ ОКТОМВРИ, МЕЃУНАРОДЕН ДЕН ЗА НАМАЛУВАЊЕ НА УНИШТУВАЊЕ НА ПРИРОДАТА
Одржувањето на чиста и здрава животна средина е сечија одговорност токму затоа на 8-ми Октомври – Меѓународниот ден за намалување на уништувањето на природата, Ве потсетуваме дека од нас, луѓето, зависи чистотата на нашата непосредна животна средина во која живееме, како и судбината на планетата Земја, нашиот единствен дом..
Рационалното искористување на природните ресурси и чувањето на биолошката разновидност на нашата планета се од највисоко значење за нејзиниот опстанок. За да имаме здрава планета за здрави поколенија неопходно е да ја одржиме чиста почвата, водата и возухот. За жал човекот во денешно време со своите активности ја менува природата и ги загрозува природните ресурси.
Загадувањето на воздухот, загадување на реките преку отпадните води, уништувањето на шумите, изградбата на каменоломите, несоодветното справување со отпад, како и уништување на животинскиот свет, го стимулираат процесот на уништување на природата.
Правото на чиста и здрава животна средина е фундаментално граѓанско право чие целосно и доследно почитување претставува услов за подобро здравје, поквалитетен и подолг живот на граѓаните. Затоа секој граѓанин е подеднакво должен да го штити, чува и унапредува природниот екосистем !!!!
