УСОГЛАСУВАЊЕ НА ПЕНЗИИТЕ ЌЕ СЕ ВРШИ ДВА ПАТИ ГОДИШНО ПО ШВАЈЦАРСКИ МОДЕЛ
Според новата методологија која е усвоена според швајцарскиот модел, усогласувањето на пензиите ќе се врзе за порастот на трошоците за живот со 50%, и за просечна плата, исто така во висина од 50%.
Усогласувањето на пензиите ќе се врши два пати во годината, односно тогаш кога Заводот за статистика ги дава официјалните податоци.
Освен новата методологија, постигнат е договор и за пакет интервентна финансиска помош за пензионерите од по 1000 денари во месеците април, мај и јуни.
Ова е постигнато на вчерашниот состанок на кој учествуваа и заменик претседателот задолжен за економски прашања Фатмир Битиќи, министерот за финансии Фатмир Бесими и министерката за труд и социјална политика Јованка Тренчевска, со сите засегнати страни, вклучувајќи го и Сојузот на пензионерите и Партијата на пензионерите.