МАСКИТЕ ПАДНАА, КОРОНАТА УШТЕ НЕ СЕ ДАВА.ВО ГЕВГЕЛИЈА АКТИВНИ СЕ САМО 14 СЛУЧАИ.
Откако претпладнето Главниот координативен кризен штаб (ГККШ) ги усвои заклучоците од Комисијата за заразни болести, и Владата на денешната редовна седници ги донесе новите ковид-мерки со кои меѓу другото се укинува носењето маски на затворено.
Со новите владини одлуки се укинува мерката за задолжително носење маски во затворeни простории освен во здравствени домови, аптеки, јавни превозни средства (автобус, воз, авион, такси), установите за згрижување на стари лица и лица со посебни потреби; учениците од средните училишта да следат настава со физичко присуство без задолжително носење на заштитни маски.
Исто така, се укинува забраната за организирање екскурзии и настава во природа во основните и средните училишта и се дозволува работата со физичко присуство на лекарските комисии за утврдување на надоместоци за попреченост и комисиите за утврдување право на помош и нега од друго лице.
Што се однесува до состојбата со Ковид-19 во Македонија, бројот на позитивни случаи бележи намалување за 31% во однос на минатата недела, а процентот на позитивност е во просек од 7,3 %.
Моментално во Гевгелија има активни само 14 случаи.
