ВО НЕДЕЛА, НА 8 МАЈ, ВО ОПШТИНА ГЕВГЕЛИЈА ЌЕ СЕ СПРОВЕДЕ ЕКО-АКЦИЈАТА „ГЕНЕРАЛКА ВИКЕНД„
Општина Гевгелија по втор пат ќе биде дел од еко-акцијата „Генерелка викенд- За чисто како дома исто“ на Мен енд Маунтен.
Генералка викенд, е организирана еко акција, за чистење на сопствената околина и засадување нови садници дрва, по принципот едно дрво за секои 10 килограми собран отпад и истата се реализира во повеќе општини. Целта е да се собере што е можно повеќе отпад, да се засадат нови дрва и да се подигне свеста за животната средина.
Ве покануваме заеднички да земеме учество и доброволно да учествуваме во акцијата и да дадеме сопствен придонес во расчитување на една од одредените локации.
На акцијата ќе земат учество вработени од Општина Гевгелија, ЈПКД „Комуналец“-Гевгелија, вработените од образовните институции , претставници од невладините организации претставници од спортски клубови и сите граѓани кои сакаат да учествуваат.
Еко-акцијата ќе се одржи во Недела, 8 мај, 2022 година на повеќе локации и тоа кај поранешната Касарна; Археолошки локалитет Вардарски Рид и Влез во Гевгелија долж појасот покрај автопатот, со почеток во 09:00 часот.
