ДЕНЕС И ОПШТИНА ГЕВГЕЛИЈА СЕ ВКЛУЧИ ВО ЕКОЛОШКАТА АКЦИЈА„ГЕНЕРАЛКА ВИКЕНД“
Денес и Општина Гевгелија се приклучи на акцијата „Генералка Викенд 2022“, заедно со други 25 општини во Македонија. Утринава, од 9 часот беа организирани акции за чистење на повеќе локации и тоа кај поранешната Касарна, Археолошкиот локалитет „Вардарски Рид“ и на влезот во Гевгелија, долж појасот покрај автопатот.
Во оваа акција свое учество зедоа вработените во Општиона гевгелија, ЈПКД „Комуналец“-Гевгелија, преставници на невладини организации, спортски клубови, како и граѓани на општината.
„Целта на оваа акција е да придонесеме во подигнување на јавната свест на нас, граѓаните од Општина Гевгелија кои треба што повеќе да размислуваме за хигиената и чистотата на градот Гевгелија и населените места, изјави градоначалнико Андон Сарамандов, кој и самиот се вклучи во собирање на отпадот кај поранешна Касарна.
Иако акцијата е повеќе симболична, таа ја пренесува пораката до граѓаните од собирање и рециклирање на отпадот со што сите заедно треба да придонесеме за зачувување на животната средина секојдневно, а не само еден ден во годината“
Генералка викенд“ е еко-акција во организација на Пивара Скопје, Пакомак и Мен енд маунтен, а со поддршка од Министерството за животна средина и Министерството за земјоделство, за чистење на сопствената околина и засадување нови садници дрва, по принципот едно дрво за секои 10 килограми собран отпад .
