НАД 1.600 НАТПРЕВАРУВАЧИ, МЕЃУ КОИ И 11 ОД АК „7-МИ НОЕМВРИ“ ДЕНЕС ТРЧАА НА „HALKECO SKOPJE RUN 10 KM“
Во организација на Сојузот на спортови на Скопје, заедно со Атлетскиот Клуб Работнички и HalkBanka, под покровителство на Градот Скопје и Агенцијата за Млади и спорт, се одржа 6-то издание на „HalkEco Skopje Run 10km“.
Над 1.600 натпреварувачи, истрчаа 10 километри, а почетокот и целта на трката беше фонтаната „Лотос“ во скопскиот Градски парк.
На оваа трка, која е во склоп на „Wizz Air-Скопскиот маратон”, учествуваа и 11 атлетичари на АК „7-ми Ноември“ од Гевгелија, Цеца Србова и Русимка Динева во женска конкуренција, и Ристо Чалков, Никола Ковачев, Дарко Прошевски, Живко Петков, Ангел Делиќ, Мијалчо Андоновски, Димче Андреев и Мики Петровски во машка конкуренција.
Цеца Србова со време од 55 минути и 17 секунди се пласираше на 74 место во женска конкуренција додека Ристо Чалков кај машките беше одличен 36 со време од 39 минути и 11 секунди.
