ПЕНЗИОНЕРИТЕ ОД ГЕВГЕЛИЈА НА МАНИФЕСТАЦИЈАТА „РЕВИЈА НА ПЕСНА, МУЗИКА И ИГРИ“ ВО КАВАДАРЦИ
Пензионери од 8 општини од петтиот, Повардарски регион, денес, во Кавадарци, учествуваа на 20-та по ред манифестација „Ревија на песна, музика и игри”. На ревијата настапија пензионерите од Гевгелија, Богданци, Дојран, Валандово, Демир Капија, Неготино, Кавадарци и Велес.
На оваа традиционална манифестација, Здружението на пензионери од Гевгелија настапи со две песни, „Ој ти моме чудо ли си“ и „Земјо Македонијо“, во исполнение на пејачката група „Сава Михајлов“ и придружниот оркестар, како и со една рецитација на песна напишана од Јана Узунова.
Организатор на настанот беше Сојузот на здруженија на пензионери на РМ, а домаќин беше кавадаречкото Здружение на пензионери.
Организирани во 8 регионални асоцијации пензионерите во Македонија редовно ги одржуваат овие манифестации од музички карактер на кој пеат, свират, играат и си го прават животот поубав.
