ОД КОРОНА ПОЧИНА КОМПОЗИТОРОТ ВАНГЕЛИС, ЧЛЕН НА ЛЕГЕНДАРНИТЕ „APHRODITES CHILD“
Грчкиот композитор најпознат по музиката за филмовите The Blade Runner и Fire Chariot, Вангелис Папатанасиу, познат како Вангелис, почина на 79-годишна возраст, објави грчкиот премиер Киријакос Микотакис.
„Вангелис Папатанасиу повеќе не е со нас“, рече премиерот. „Музичкиот свет го загуби уметникот Вангелис“, додаде тој.
Овој самоук музичар, пионер на електронската музика, најде инспирација во истражувањето на вселената, природата, футуристичката архитектура, Новиот завет и студентското движење од мај 1968 година. Тој доби Оскар за неговата музика во филмот „Огнените кочии“.
Грчките медиуми пишуваат дека Вангелис починал од коронавирус во Франција, каде што престојувал кога не бил во Лондон или Атина. Помеѓу десетина филмови за кои компонираше музика се и „Исчезнатите“ на Коста Гаврас, „Жолтата месечина“ на Роман Полански и „Александар“ на Оливер Стоун.
Својата професионална музичка кариера ја започна во 1960-тите, соработувајќи со неколку познати рок бендови како Форминкс и легендарните „Афродитино дете, со Демис Русос и Лукас Сидерас.
Во текот на седумдесеттите години на 20 век, тој соработуваше со водечкиот пејач на прогресивната рок група „Јес“, Џон Андерсен и издаде неколку албуми под заедничкото уметничко име „Јон и Вангелис“.
Во текот на својата кариера напиша и компонираше околу 60 албуми, а музичките критичари го сметаат за еден од најголемите композитори на електронска музика на сите времиња. Во 1992 година, Франција му додели на Вангелис Орден за уметност и литература.
