ПРАЗНИЧНА ПРОГРАМА ВО ПРЕДВЕЧЕРИЕТО НА ПРАЗНИКОТ СВЕТИ КИРИЛ И МЕТОДИЈ

Синоќа, понеделник, 23 мај, со Акатист со петолебие кон Светите Кирил и Методиј започна празничната програма на одбележување на празникот на големите словенски сепросветители, Св. Кирил и Методиј.

 

Во дворот на црквата која го носи нивното име, на собраните граѓани им се обрати отец Русе Жековски, кој истакна дека Светите Кирил и Меодиј се оние кои се заслужни што станавме Народ Сесловен, Народ Божји и Света Православна Црква Христова Македонска. Благодарение на нив, ние , рече отец Жековски научивме да читаме и пишуваме, да се изразуваме духовно и интелектуално.

 

Професорката Жаклина Атанасова зборуваше за историјатот на црквата „св. Кирил и Методиј“, која минатата година славеше 125 годишнина од своето постоење.

 

Цркавата, рече таа, според натписот на плочата на источниот ѕид вѕидан над олтарната апсида од надвор., е подигната во 1896 година, Таа е изградена на местото каде што во 1881 година бил изграден параклис. Храмот е обновен во 1946 година. Според својата архитектурна форма, таа е трикорабна градба, со рамни дрвени тавани и со покривна конструкција на две води. Црквата има голем и убав иконостас, чии икони ги работел зографот Димитриј Андонов – Папрадишки. Дверите на црквата се од постаро време и се смета дека се пренесени од старата црква „Света Троица“ или од манастирската црква „Св. Спас“ во Гевгелија и се дело на непознат резбар од XVIII век. Градител на црквата е Андон Китанов.

 

Празничната програма ја потполнија со својот настап, градскиот мешан хор „Гортинија“, исполнувајќи духовни песни, како и „Распеани гевгеличани“ со дел од нивниот репертоар.