ПРИ КРАЈ Е СТАВАЊЕ ВО ФУНКЦИЈА НА АЛАТКАТА НА ОПШТИНА ГЕВГЕЛИЈА ЗА ДОНИРАЊЕ ПОМОШ НА СОЦИЈАЛНО-РАНЛИВИТЕ СЕМЕЈСТВА
Општина Гевгелија неодамна го отпочна проектот „Биди хуман – Донирај“, кој е поддржан од агенцијата на Обединетите нации за бегалци – УНХЦР – а во соработка со ЈУ МЦСР Гевгелија, со кој заеднички ќе се помагаат социјално-ранливите семејства.
За таа цел при крај се подготовките за ставање во функција алатка која ќе придонесе за навремено детектирање и евидентирање семејства и поединци кои се нашле во социјален ризик и имаат итна потреба од одреден вид помош (како облека, хигиенски пакети, мебел, покуќнина, електрични апарати, итн.), меѓусебна комуникација меѓу граѓаните, како и достава на потребната помош до ранливите категории.
ЈПКД „Комуналец“ излезе во пресрет и логистички ќе помогне во оваа акција со тоа што ќе стави на располагање едно возило за достава на помошта до социјално ранливите семејства.
