ТОШЕ АНЧЕВ ТРЕТ НА ТРКАТА „ПРЕМИНОТ НА АПОСТОЛ ПАВЛЕ“. НА ТРКАТА УЧЕСТВУВАА 7 АТЛЕТИЧАРИ ОД АК„7-МИ НОЕМВРИ“
Тоше Анчев,Томе Каркалашев, Александра Крајчева, Мијалчо Андоновски, Драган Ристов, Дарко Прошевски и Зоран Иванов ја сочинуваа гевгелиската атлетска експедиција која вечерва учествуваше на 6-та по ред атлетска трка „Преминот на Апостол Павле“.
На трката, на која учествуваа над 300 атлетичари, Тоше Анчев заслужено се искачи на подиумот, освојувајќи го третото место. И другите атлетичари од гевгелискиот клуб се задоволни од својот настап.
Организатор на оваа трка, во должина од 9.700 метри, е Светата епархија Китрос, Катерини и Платамонас со општината Пидна Колиндрос и Атлетското друштво „ЗЕВС“ од Пиерија.Се работи за прекрасна асфалтна рута која минува низ двете села Метони и Макригијалос.
Како што е запишано во Делата на апостолите, на своето второ патување, Апостол Павле поминал и низ Пиерија, на дваесеттина километри од Катерини, каде се зачувани и споменици од тој настан.
