ТОПЛОТНИОТ БРАН ОД ЗАПАДНА ЕВРОПА ЌЕ СТИГНЕ И КАЈ НАС
Топлотниот бран викендов веќе го зафати Медитеранот и делови од Европа. Во Франција деновиве се измерени 40 степени, како никогаш досега во овој дел на годината.
Претходниот рекорд беше поставен во 2003 година, за време на многу опасен топлотен бран,кога беа измерени 40 степени на 21 јуни, цели пет дена подоцна од оваа година.
Овој топлотен бран , според најавите на метереолозите ќе стигне и кај нас, некаде кон крајот на идната недела, во четврток и петок, кога се очекува температурите да достигнат и до 38 степени Целзиусови.
Инаку, на почетокот на неделата следува период на постабилно време.
Услови за појава на краткотраен пороен дожд понекаде и со грмежи ќе има во понеделник на крајниот југоисток, но и во вторник кога преку денот ќе дува и засилен северозападен ветер.
