AFYON, ТУРСКИ ГРАД ВО КОЈ СЕ ПРОИЗВЕДУВА ЕДНА ТРЕТИНА ОД ЦЕЛИОТ МОРФИУМ ВО СВЕТОТ
Опиум, бањи и суџук – овој прекрасен град ги обединил под еден покрив или поточно рид овие три поими, пишува хрватскиот портал DNEVNIK. Можеме да го наречеме Афионкарахисар , или скратено Afyon – што на турски буквално значи афион, т.е. опиум.
Сместен во внатрешноста на западна Турција, овој град е познат токму по ова, но и по некои други атрактивни туристички атракции.
Визуелно, градот е лесно препознатлив по карпестиот вулкански рид кој се издига зад него до височина од 200 метри. Поради стратешки погодната положба, тука во антиката се наоѓала тврдина. Поранешниот Акроинон или Никополис бил преименуван во Кара Хисар, односно Црна тврдина, по доаѓањето на Турците, а кога биле откриени шармите на опиумот, кон него било додадено името Афјон.
Топлата и сува клима во Афјон го фаворизира одгледувањето афион, поради што Афјон стана најголем производител на афион во Турција. Не само тоа, туку Афјон произведува речиси една третина од вкупното производство на морфиум во светот.
Покрај опиумот, познат е и како престолнина на термалните бањи. Градот лежи на пет главни термални извори со големо количество минерали. Нивните води се многу лековити, па не е ни чудо што градските власти го искористија овој потенцијал и го материјализираа во форма на бројни бањи и одморалишта со супериорна услуга, придружени со хотели со 5 ѕвезди.
Ако не ве привлекува опиумот, термалните бањи или мермерот по кој е познат и Афјон (дали знаевте дека со него е изграден и Римскиот Пантеон?), секогаш постојат совршени „обични“ причини за посета: замокот, музеи, остатоци од тврдината, отоманска архитектура, џамии и секако – турски деликатеси, слаткото „оружје“ пред кое се поклони целиот свет.
