НА МЕМОРИЈАЛНИОТ КОШАРКАРСКИ ТУРНИР „БОБИ ПЕТКОВСКИ“ ДЕНЕС ЗА ПРВОТО МЕСТО ЌЕ СЕ БОРАТ МАКЕДОНИЈА И ЦРНА ГОРА

Вечерва, во Гевгелија, со доделување на пехарите на најдобрите, завршува тридневниот меморијален кошаркарски турнир „Боби Петковски“. На последниот ден од собирот во Гевгелија, македонската селекција „под 18“ години, од 17 часот ќе игра за првото место против Црна Гора. Три часа порано, во 14 часот,на теренот во салата „26-ти Април“ ќе играат репрезентациите на Бугарија и на Грција. 

Претходните два дена македонските млади кошаркарски надежи извојуваа две победи, против Грција и Бугарија, како дел од контролните подготовки за Европското првенство во Измир, Република Турција. КФМ, Општина Гевгелија и КК „Кожув“ заслужуваат честитки за успешно организираниот турнир посветен на прерано починатиот Боби Петковски, некогашен тренер на младите таленти на КК „Кожув“