ВО ПРВАТА НЕДЕЛА ОД АВГУСТ СО КОНЦЕРТ, ЧИТАЊЕ ПОЕЗИЈА И ПРОМОЦИЈА НА МУРАЛ ПРОДОЛЖУВА „ГЕВГЕЛИСКОТО КУЛТУРНО ЛЕТО“
Дом на културата „Македонија“, заедно со Општина Гевгелија се погрижија и во овие летни горештини, гевгеличаните кои остануваат во својот град да можат да проследат разновидна културно-уметничка програма.
Така, веднаш по големиот Македонски празник Илинден, во среда, на 3 август, со почеток од 21 часот на платото пред Народниот театар, љубителите на џез музиката ќе имаат можност да присуствуваат на концертот на Филип Динев, на гитара и Пенче Кралев, контрабас.
На 4 август, со почеток од 20 часот Библиотеката „Гоце Делчев“ организира Литературно читање на роднокрајни автори, на кое, на платото пред библиотеката ќе настапат поголем број на автори од ова поднебје кои создаваат литературни дела.
Музичката придружба ќе биде на Филип Динев и Пенче Кралев.
Последниот настан за идната недела ќе биде Промоција на муралот на уметникот Миле Ничевски изработен на Ракометното игралиште на ДТВ „Партизан“,во петок на 5 август.
