ПРВ МЕМОРИЈАЛЕН ТУРНИР ВО БРЗОПОТЕЗЕН ШАХ „ВЕНЦИ ПОПОВ“
Најдоцна до 19-ти август трае пријавувањето за првиот Меморијален турнир во брзопотезен шах „Венци Попов“, кој ќе се одржи на 21 август 2022 година во Негорските бањи. Организацијата на овој турнир е на неговата фамилија и ШК. 7-ми Ноември“ од Гевгелија.
Турнирот ќе се игра по швајцарски систем, во 13 кола, по пет минути за една партија. На него може да учествуваат сите шахисти од Македонија со ФИДЕ код, а наградниот фонд изнесува 55.500 денари.
Како што не информираше претседателот на Шаховскиот клуб „7-ми Ноември“, Петар Танчев, турнирот се организира во чест на Венци Попов, прерано починат наш сограѓанин, кој три пати во својата кариера беше младински првак на Македонија во шах.
За сите информации и пријавувања обратете се на Пепи Танчев 078 / 286-399 или Најдески Благојче 070 / 998-929.
