РЕЗЕРВНИТЕ ВОЕНИ СТАРЕШИНИ НА ОПШТИНА ГЕВГЕЛИЈА ГО ЧЕСТИТААТ 18 АВГУСТ-ДЕНОТ НА АРМ
Армијата на Република Македонија одбележува 30 години од своето формирање, респектабилен јубилеј што говори за храброста и истрајноста на македонските граѓани да се создаде нешто од ништо, да се создаде армија што ќе одговори на сите безбедносни предизвици.
Процесот на создавање на македонската армија, како што нагласуваат воените историчари, е во согласност со традициите на Разловечкото, Македонското (Кресненско) и Илинденското востание, започнат со формирање на Првиот баталјон „Мирче Ацев″, првата регуларна воена единица на македонскиот народ.
Баталјонот „Мирче Ацев“ се формира со наредба на Штабот на II оперативна зона на 18 август 1943, на Славеј Планина, а го сочинувале борци од одредите „Даме Груев″, „Димитар Влахов″ и други од подрачјето на Западна Македонија.
