НА ЈУГОИСТОКОТ ДОЈРАН БЕЗ АКТИВНИ СЛУЧАИ НА КОВИД-19, ВО ГЕВГЕЛИЈА АКТИВНИ СЕ 62 СЛУЧАИ
Дојран е единствениот град во Македонија во кој нема регистрирано ниту еден болен од Ковид 19. На Југоистокот најмногу активни случаи има во Струмица 88, во Гевгелија активни се 62, во Богданци 17 додека во Валандово активни се 9 случаи.
Комисијата за заразни болести одржа состанок, на кој што заклучи дека земјата е во фаза на широка трансмисија со соодветни капацитети за одговор, а во такви услови нема потреба од нови ковид-мерки. КЗБ апелираше на одговорно однесување и почитување на актуелните мерки.
– Останува препораката за сите граѓани, а особено за граѓаните кои спаѓаат во ризични групи за потежок тек на болеста да се придржуваат до сите потврдени епидемиолошки мерки за заштита од инфекција, како често и темелно миење или дезинфицирање на раце, избегнување на гужви и престој во затворени и непроветрени простории и носење на заштитни маски, како и придржување до препораките за вакцинација против Ковид-19, апелираше Комисијата.
