ДЕНЕСКА, ЗА ПРВ ПАТ ПО ДЕСЕТ МЕСЕЦИ, НЕМА ПОЧИНАТИ ОД КОВИД-19
Денеска за прв пат по 2 септември лани во земјава нема регистриран смртен случај како последица од ковид во 24 часа, соопштија од Министерството за здравство.
Вирусот е далеку од победен, но оваа мала победа ни влева надеж дека сме се поблиску до ставање крај на агонијата. Сепак, мерките мора да продолжиме да ги почитуваме, а еднствен начин да го намалиме бројот на жртви е масовно да се вакцинираме, велат од МЗ
Во последните 24 часа се направени 3 068 тестирања, а регистрирани се 8 нови случаи од: Скопје – 3, Тетово – 2, Велес, Кичево и Охрид- по 1.
Активни случаи нема во осум општини и тоа Богданци, Дојран, Демир Капија, Кавадарци, Ресен, Берово, Пробиштип и Пехчево, а во Гевгелија активни се само тројца.
