ЧЕСТИТКА ПО ПОВОД 7-МИ АПРИЛ, ДЕНОТ НА ЗДРАВСТВОТО, ОД ДИРЕКТОРОТ НА ЈЗУ ОПШТА БОЛНИЦА СО ПРОШИРЕНА ДЕЈНОСТ ГЕВГЕЛИЈА, Д-Р МИТКО КРЏЕВ

Почитувани здравствени работници и соработници /доктори, медицински сестри, болничари, медицински технолози и помошен персонал / почитувани граѓани,

 

Денес е 7- ми Април Ден на здравството. Оваа година, Светскиот ден на здравјето ја одбележува својата 75-годишнина, а темата за 2023 година е „Здравје за сите: Зајакнување на примарната здравствена заштита“. Целта на оваа иницијатива е да се нагласи важноста на примарната здравствена заштита како основа на секој успешен здравствен систем, особено во светло на пандемијата што ја зафати планетата во последните години.

 

И на овој 7 април 2023 година, сеуште актуелната пандемија на Covid-19, разните вирусни заболувања, како и појавата на некои заборавени болести, болести кои биле искоренети во минатото, не ни дозволуваат да се опуштиме и традиционално да го прославиме празникот. Но, тоа не значи дека не треба со право да бидеме горди и достоинствени на она што изминатата година го работевме и она што денес го работиме како секојдневен наш ангажман. Сакам да потенцирам дека во изминатиот период 

Општата болница се здоби со нови медицински апарати со кои се подобрува и олеснува дијагностиката на пациентите од општините за кои е надлежна болницата.

Сите ние,здравствените работници од Општата болница Гевгелија, во изминатата година работевме заеднички, работевме пожртвувано и несебично и пред се работевме професионално, со една единствена цел, да го зачуваме здравјето и животот на нашите граѓани.

 

Затоа, и на овој Ден на здравството сакам да им порачам на граѓаните да бидат сигурни дека, ќе ги вложуваме сите свои капацитети и стручен потенцијал и во иднина, како и досега, за да одговориме на сите предизвици кои ќе се појават пред нас. Бидејќи здравите граѓани се најголемото богатство што може да го има секоја земја“

Нека ни е честит празникот, Ден на здравството.

 

Со почит,

Д-р Митко Крџев Директор на ЈЗУ Општа болница со проширена дејност Гевгелија