ПРВА НАГРАДА ЗА ЕСЕЈ ЗА ИЛИНА ИВАНЏИКОВА ОД СОУ „ЈОСИФ ЈОСИФОВСКИ“
Тимот на Меѓународен Славјански Универзитет ги објави резултатите од конкурсот за есеј. СОУ „Јосиф Јосифовски“ од Гевгелија го понесе епитетот – најдобар есеј од вкупно 88 пристигнати трудови. Илина Иванџикова под менторство на професорката Бисерка Макревска го освои првото место за есејот „ Во огледалото – слика за нас самите“, за што како награда доби таблет.
Ученичката Тамара Стојанова од СОУ „Богданци“ под менторство на наставникот Соња Србова ја освои Втората награда, додека третата награда му припадна на Бојан Јакимовски од СОУ „Ѓорче Петров“ од Крива Паланка..
Менторите на сите учесници во конкурсот ќе добијат сертификати.
Комисијата беше составена од 4 членови: проф. д-р Соња Ризоска Јовановска, м-р Кирил Трајчев, проф. д-р Катерина Видова, Татјана Алексиќ
