ПЕТМИНА ЧЛЕНОВИ НА ГЕВГЕЛИЈА ТОЧАК КЛУБ УЧЕСТВУВАА НА ДВОДНЕВНИОТ ВЕЛО-ФЕРСТ ВО КОНЧЕ И МАНТОВО
На Езерото Мантово во општина Конче изминатиот викенд се одржа дводневниот велосипедски настан Авантурите на Конче и Мантово.На овој интересен настан учествуваа над 200 велосипедисти од земјата., меѓу кои и членовите на Гевгелија точак клуб, Александар Крајчев, Лазар Петров, Васе Караташев, Ангел Стојанов и Иван Петров.
Се одржаа две велосипедски тури, кои ќе бидат надополнети со интересна програма. Учесниците кампуваа на брегот на езерото, имаше саем на локални производи и културно уметничка програма составено од настапи на фолклорни ансамбли, диџеј и бенд во живо.
Главната велосипедска тура беше во должина од 56 километри, по маркирани патеки низ природните предели на општината Конче кои за прв пат им станаа достапни на посетителите на настанот.
Настанот беше наменет за сите оние кои рекреативно возат планински велосипед, кои се чувствуваат физички подготвени за повеќечасовно возење во планинско-ридски предели и кои поседуваат неопходна опрема за ваков тип на возење.
