И ПОКРАЈ ЛОШИТЕ ВРЕМЕНСКИ УСЛОВИ ОРГАНИЗИРАН 19-ОТ МЕМОРИЈАЛ „ДИМИТАР КАНГОВ-КАНГАТА 2023“

Изминатиот викенд по 19ти пат се одржа традиционалниот меморијален марш “Димитар Кангов-Кангата”, во чест и спомен на долгогодишниот член на Здружение Планинарски Спортски Клуб „КОЖУФ“ . На меморијалот зедоа учество планинари од повеќе планинарски друштва, здруженија и граѓани, претставници на Црвен Крст – Гевгелија, како и ученици од локалните училишта, меѓу кои традиционално најбројни беа учениците од ООУ “Климент Охридски” – Миравци. Беше искачен највисокиот врв на Кожуф, Зелен Брег (2172 мнв), по патеката од месноста Алчак – Марково Езеро – Зелен Брег. Најубавиот начин да се зачува споменот за оние кои не се меѓу нас е да ги спомнеме на местата каде што тие најубаво се чувствувале, на планинските врвови. Вечна му слава!!!