ПРВА ИНКЛУЗИВНА ТРКА „RUN TOGETHER“ ВО ОРГАНИЗАЦИЈА НА АК „7-МИ НОЕМВРИ“ И ФОНДАЦИЈАТА ИЦЕ БЕГОВ
Фондацијата Ице Бегов ги поканува сите кои имаат хумано срце да (ни) се приклучат на Првата незаборавна инклузивна трка: RUN TOGETHER – во организација со Атлетски клуб 7ми Ноември Гевгелија / Athletic club 7mi Noemvri Gevgelija. На оваа трка може да се пријават сите, вклучително и лицата со попреченост, и да трчаат заедно!
„Тука сме да докажеме дека секој чекор е важен, без разлика на способноста. Да го прифатиме заедништвото и да се залагаме за колективна физичка и ментална благосостојба,“ велат од Фондацијата.
Оваа трка ќе се трча на 4 ноември 2023 година со почеток од 13,30 часот на Плоштадот во Гевгелија. Сите учесници добиваат dry-fit маичка од брендот TOMEO и стартен број. Сите се победници и добиваат медал! Отворена е трката за сите возрасти и способности.
Придружници се добредојдени за учесниците со попреченост. Онлајн пријавувањето е отворено до 15 октомври. Цена: 200 денари (Бесплатно за лица со попреченост)
Да се обединиме, да трчаме и да го славиме духот на инклузивноста!
Регистрирајте се преку линкот подолу
