ЈУНИОРИТЕ НА „ГЕВГЕЛИЈА ТОЧАК КЛУБ“ ОРГАНИЗИРААТ АКЦИЈА ЗА ЧИСТЕЊЕ НА „ВАРДАРСКИ РИД“
На празникот 11 Октомври, во среда ќе биде одржана еколошка акција на прекрасниот “Вардарски Рид” точно на пладне во 12:00 часот. Настанот го носи името “ГТК Јуниори и пријатели-за почист Вардарски Рид”. Собирно место за оваа акција е пред видиковецот, по што, по краток договор, ќе стартува оваа благородна акција.
За учесниците организаторот обезбеди ракавици и вреќи за отпад, а во оваа јуниорската еко акција ќе се приклучат и вработените од НУ Музеј-Гевгелија и ЈПКД Комуналец.
