ВАЛЕНТИНА УЗУНОВА, МИЈАЛЧЕ АНДОНОВСКИ, ДИМЕ АНДРЕЕВ И МИКИ ПОПОВСКИ УЧЕСТВУВАА НА АТЛЕТСКИОТ МАРАТОН „11 ОКТОМВРИ ЛОЗОВО 2023“
На вториот Атлетски маратон „11 Октомври Лозово 2023“ што општина Лозово го организира по повод националниот празник, учество зедоа и четворица маратонци од Гевгелија, Валентина Узунова, Мијалче Андоновски, Диме Андреев и Мики Поповски.
На трката имаше 53 учесници во машка и женска конкуренција професионални атлетичари од атлетските клубови од Велес, Скопје, Гевгелија и други градови како и атлетичари аматери.
Инаку трката беше во четири категории: на трката од 100 метри учествуваа деца од 7 до 10 години, на 200 метри од 11 до 14 години и трка на 400 метрина на која учествуваа тинејџери од 15 до 18 години. Во сите категории на крајот свечено беа прогласени најдобрите за прво, второ и трето место во машка и женска конкуренција и им беа доделени медали и пехари.
За највозрасен учесник на трката на 15 километри пофалница доби 77 годишниот Санде Стојановски од Лозово, а за најмлад учесник Никола Саздовски од Лозово.
На 15 километри победници беа Дарио Ивановски во машка и Андријана Поп Арсова во женска конкуренција.
