23 АТЛЕТИЧАРИ НА АК „7-МИ НОЕМВРИ“ УЧЕСТВУВАА НА НОЌНИТЕ ТРКИ „СТРУМИЦА НА УЛИЦА 2023
Над 250 атлетичари од Македонија, Бугарија и Грција синоќа настапија на трите ноќни трки, на 5, 10 и 21 километар во рамките на 4-то издание на „Струмица на улица 2023“, а во организација на АК „Беласица ран“. Гевгелискиот атлетски клуб „7-ми Ноември“ учествуваше со 23 натпреварувачи во сите три трки.
Најдобар резултат постигна Кристина Узунова, која во женска конкуренција, во трката на 5 километри го освои четвртото место,на 10 километри Петат Лешев беше 13-ти, додека во полумаратонската трка Драган Ристов го освои 16-то место.
Инаку, победници во полумаратонската трка кај мажите, првото место го освои Дарио Ивановски, а кај жените Адријана Поп Арсова.
Организаторот испрати извинување до сите учесници во кое стои:
„И после цела ноќ анализа и детално разгледување што се случи, сеуште не можеме да разбереме како настана грешката со која првата група предводници на трката на 5 и 10 км направи предверемено свртуваење на еден од кружните текови и со тоа го “размеша” пласирањето на трките и колку и да го бараме виновникот и колку и да се обидуваме да ја исправиме грешката, штетата е веќе направена и назад едноставно нема.
Сакаме да им честитаме на победниците и да им се извиниме на сите што се чувствуваат оштетени во генералниот пласман. Со оглед на тоа што немаше парични награди во овие категории, извинувањето е единствена компензација за личната сатисфакција за евентуалната победа и ветување дека можеби во следна прилика ќе се обидеме да ја намалиме шансата за повторување на таква грешка, ако воопшто се пружи таква.“
