32 СЕДНИЦА НА СОВЕТОТ НА ОПШТИНА ГЕВГЕЛИЈА
На претстојната 32. седница, Советот на Општина Гевгелија ќе расправа по Предлог- измените и дополнувањата на Буџетот на Општина Гевгелија за 2023 година. Согласно измените и дополнувањата на Буџетот, Советот ќе ги разгледа и Предлог- Програмите за измена и дополнување на Програмата за уредување на градежното земјиште во Општина Гевгелија и Програмата за изградба, реконструкција, рехабилитација, одржување и заштита на општинските улици и патишта за 2023 година.
На дневен ред пред советниците ќе се најде и Предлог-Одлуката за уврдување цени за зонското паркирање во општина Гевгелија. Покрај овие акти, Советот на Општина Гевгелија, на својата 32. седница, ќе одлучува и по Измените и дополнувањата на Финансовите планови на образовните и културните институции и детската градинка.
Од областа на урбанистичкото работење, ќе се најдат неколку Предлог- Одлуки и прифаќање на иницијативи за носење на Урбанистички планови и изработка на урбанистички проекти.
32. седница на Советот на Општина Гевгелија ќе се одржи на 19 октомври 2023 година, во Малата сала на Народниот театар- Гевгелија, со почеток во 10:30 часот.
