САМО ДВЕ МИНУТИ ТИШИНА Е ДОБРА ЗА ВАШЕТО ЗДРАВЈЕ
Во 1905 година, добитникот на Нобеловата награда бактериолог Роберт Кох даде застрашувачко предвидување: „Ќе дојде денот кога човекот ќе мора да се бори со бучавата исто толку незапирливо како колерата и чумата“. Тој беше игнориран.
Меѓутоа, во изминатите 20 години, зголеменото ниво на бучава во градовите е поврзано со зголемување на здравствените проблеми – срцеви заболувања, срцеви удари, дијабетес, депресија и деменција. Статистиката е доволно мрачна за да ве натера да посегнете по слушалките за поништување на шум.
Постојаната бучава го оштетува телото, предизвикува зголемување на крвниот притисок и го зголемува ризикот од срцев удар, додека изложувањето на гласни звуци подолго време, особено преку слушалки, докажано предизвикува оштетување на слухот.
Во 2011 година, Светската здравствена организација го прогласи звучното загадување како „чума на модерното време“ и направи официјална проценка: изложеноста на бучава од околината има штетни ефекти врз здравјето на населението.
Како што премногу бучава предизвикува стрес, тишината има спротивен ефект, ослободувајќи го мозокот и телото од напнатоста.
Само две минути тишина го опушта телото повеќе отколку слушањето релаксирачка музика, заклучено е по мерењето на промените во крвниот притисок и циркулацијата на крвта во мозокот.
Студијата од 2013 година покажа дека два часа тишина ги започнува процесите на создавање мозочни клетки, бидејќи мозокот е фантастично фино подесен механизам кој има способност да се врати себеси кога е обезбедена средина со пониско ниво на бучава.
