ОСТВАРЕНА СОРАБОТКА ПОМЕЃУ „ТЕЛЕВИЗИЈА НОВА“ И НОВИНАРСКИОТ КЛУБ ВИЗИЈА ПРИ СОУ „БОГДАНЦИ“
Во текот на вчерашниот ден, на покана на професорката по македонски јазик, Верица Ризовска, нашиот новинар Љубчо Алексовски го сподели своето новинарско искуство со учениците членови на новоформираниот Новинарскиот клуб-Визија при СОУ „Богданци“. Во пријатна атмосфера, се разговараше за тоа како да се напише добар новинарски текст и на што треба да се обрне посебно внимание.
Исто така, беше договорено, во наредниот период, учениците-новинари, да ја посетат Телевизија Нова и да се запознаат со нејзината работа.
