АЛЕКСАНДАР ДЕЛИЏАКОВ, ДИРЕКТОР НА СОУ „ЈОСИФ ЈОСИФОВСКИ“:
„ИСКРЕНО СЕ РАДУВАМ ШТО НАШЕТО УЧИЛИШТЕ СЕ РАЗВИВА КАКО ЗАЕДНИЦА НА КВАЛИТЕТОТ, КРЕАТИВНОСТА, СЛОБОДНИОТ УМ И НОВИТЕ ИДЕИ“
Вчера, 25 април, во Народниот театар, СОУ „Јосиф Јосифовски“ – Гевгелија со музичко-драмска програма го одбележи својот патронен празник.
Училиштниот хор, под раководство на Илија Атанасов ја изведе Химната на Македонија, како и две хорски композиции, по што пред присутните, свое обраќање имаше директорот Александар Делиџаков.
Тој, во своето обраќање истакна:
„СОУ „Јосиф Јосифовски“ од Гевгелија е пример за успешно училиште кое гордо стои чекор напред во иновативниот воспитно- образовен процес, училиште во кое за време од 70 години образование многу ученици успеале да ги постигнат своите цели, да стекнат знаења, вештини и вредности и така подготвени да се вклучат во градење на денешното општество и да го збогатат со своите таленти и способности.
Наставниот кадар во СОУ„Јосиф Јосифовски“ има клучна улога во образованието, бидејќи нашите наставници не само што им пренесуваат знаења на своите ученици, туку и ги инспирираат, мотивираат и поддржуваат учениците во нивните напори за учење и развој, а преку различните активности и проекти ги поттикнуваат да развијат критичко мислење, креативност, одговорност, дисциплина и тимски дух.
Искрено се радувам што СОУ “Јосиф Јосифовски” се развива како заедница на квалитетот, на креативноста, на слободниот ум и на новите идеи. “
Во уметничката програма,учениците изведоа драмски сцени „Требаше да биде романтична вечер“, под менторство на Даниела Џишева и Александра Ќаева, по што следуваа и пародии на драмски сцени од Вилијам Шекспир, под менторство на Андријана Џинова, Кристина Пренда и Емилија Дуганова.
Помеѓу драмските сцени, беа изведени композициите „Галебе мој“ со Ања Поп-Костова и Ангела Зафирова и „За нас“ со Иван и Никола Илиевски.
Вечерта на одбележување на патрониот празник заврши со играта „Don’t stop me now“. Техничката аудио-визуелна обработка на одбележувањето на патрониот празник беше на Тони Аврамов.
