ООУ „РИСТО ШУКЛЕВ“ ГО ОДБЕЛЕЖУВА СВОЈОТ ПАТРОНЕН ПРАЗНИК
ООУ „Ристо Шуклев“ од Негорци го одбележува 9-ти мај, својот патронен празникот. Пред бистата на патронот положија цвеќе наставничкиот колегиум, учениците,директорката Елена Крстевска, поранешниот директор Костадин Ташков и фамилијата Шуклеви.
Прославата продолжи со спортски натпревари, додека во четврток, на 16 мај, во 19,30 часот, во Младинскиот дом во Негорци, ќе биде одржана и културно-уметничка програма.
За име и патрон на училиштето се зема името на учесникот во Народно ослободителната војна, Ристо Шуклев, роден на 25.10.1912 во Негорци а убиен на 4.1.1944, во близина на Гевгелија, кај месноста Мала Река. Во НОВ активно се вклучува во 1943г. со организирање и достава на храна и облека на партизаните а како вработен во државните служби, имал пристап до доверливи информации, корисни за борците од НОВ.
