ОДРЖАН ИНТЕРАКТИВЕН НАСТАН „ЗДРУЖИ СЕ ЗА ЗАЕДНИЦАТА“
Проектот на УСАИД: „Здружи се за заедницата“, спроведуван од Асоцијацијата „Конект“, во соработка со Фондација „Аполонија“- Гевгелија, „Индиго“ и ЕВН- Македонија, денеска беше презентиран во Гевгелија.
Карванот Комунити, кој е со интерактивна содржина, имаше за цел да ја поттикне заедницата да создава одржливи системи што ќе ги вклучат сите нејзини чинители да бидат двигатели на развојот и благосостојбата во заедницата.
Со ова се сака да се создадат активни граѓани кои нудат решенија, лидерски институции кои се партнери на граѓаните, организации кои ги поврзуваат интересите на граѓаните, одговорни бизниси што вложуваат во општото добро.
На овој настан беа слушнати младинските и граѓанските идеи на членовите на Фондација „Аполонија“, Регионален центар за одржлив развој, Црвен Крст Гевгелија, „Гевгелија Точак Клуб“ и Новинарскиот клуб „Јоска“ при СОУ „Јосиф Јосифовски“,кои можат да донесат позитивни промени во општеството.
