ВОКАЛНАТА ГРУПА „MUSIC SOUL“ НА ФЕСТИВАЛ ВО РИМИНИ, ИТАЛИЈА
Осум девојки од Валандово, Гевгелија и Богданци, Ивана Коколанска, Анастасија Зафирова, Ангела Зафирова, Слободанка Арнаудова, Билјана Дуева, Ања Поп-Костова и Глорија Зафирова , со својот ментор Маја Зафирова се тимот од југот на Македонија кој ќе настапи на 21. Меѓународен Музички фестивал “РИМИНИ ФЕСТ” во Римини, Италија, од 29 јули до 3 август.
Тие се дел од вокална група “Music soul” формираа при ЗГ „Внимание“ кои на фестивалот ќе имаат свои соло настапи и настап во состав..
Меѓународен натпреварувачки и уметнички фестивал „РИМИНИ ФЕСТ“ е престижен културен настан кој се одржува во текот на летните месеци во Римини – бисерот на јадранскиот брег. Римини – не е само топло море, неверојатни песочни плажи и блага суптропска клима, туку и богато културно наследство, античка историја, магична атмосфера што е позната од филмовите на легендарниот Федерико Фелини, роден во Римини.
Како членови на меѓународното жири се поканети познати италијански културни и уметнички работници.
Главната цел на Меѓународниот натпреварувачки и уметнички фестивал „РИМИНИ ФЕСТ“ е да бара нови талентирани изведувачи, , да стекнува нови пријатели со исти интереси, да ја збогати мултинационалната култура врз основа на взаемно почитување на културните традиции на сите земји и народи во светот, да се популаризира креативната работа на децата и младите, да се подобрат професионалните вештини и квалификации на наставниците и лидерите на уметноста.
