АНСАМБЛOT „БОЈМИЈА“ ОД ГЕВГЕЛИЈA ГО ПРОСЛАВИ 20. ГОДИШНИОТ ЈУБИЛЕЈ

Со третиот концерт насловен како „Фолклорна приказна“, на кој настапи првата постава на ансамблот и група составена од ветерани, Ансамблот „Бојмија“ го прослави својот 20 годишен јубилеј.

Ансамблот за традиционална музика и игра “Бојмија” од Гевгелија е формиран 2004 година. Ансамблот го носи името според етничкиот предел Бојмија, предел во кој спаѓа и Гевгелиската котлина..Во него членуваат 130 членови на возраст од 10 – 25 години. Истите работат во 3 секции кои ги изучуваат традиционалните игри и песни од јужновардарскиот регион на Република Македонија – Бојмија, како и од другите краеви на државата. Ансамблот работи и со млади и талентирани музичари кои ја изучуваат македонската традиционална музика. Богатото културно наследство се презентира на многубројни домашни и меѓународни фестивали.