БАЛЕТСКА ПРЕТСТАВА „ЛА, ЛА, ЛА! ВО ЧЕСТ НА СПАСОВДЕН
По повод патронот на Општина Гевгелија-Спасовден, на 2 јуни, четврток, во Народниот театар во Гевгелија ќе гостуваат солисти и ансамблови играчи од Националната опера со балетската претстава „Ла, ла, ла!” во кореографија на Саша Евтимова.
Музиката е составена од познати Македонски евергрини, а режијата и идејата за костими е на Саша Евтимова. Претставата започнува во 20 часот.
Се работи за модерен балет за оние што сонуваат за среќа и едни времиња во кои живеевме, луѓето со кои сме ги споделувале тие мигови – ништо не може да го оживее тоа време, тоа сеќавање, тој живот освен една стара музичка миксана лента. Секоја миксана лента раскажува една приказна од различно време. Музиката е таа која не води на незаборавни патувања.
