БРИТАНСКИТЕ МЕТЕОРОЛОЗИ ШОКИРАНИ, ТЕМПЕРАТУРИТЕ НА „ОСТРОВОТ“ ОВА ЛЕТО ЗА ПРВ ПАТ И ДО 40 СТЕПЕНИ
Пред две години, британските метеоролози се обидоа да предвидат какво ќе биде времето во 2050 година. Климатската криза доведе до зголемување на температурите на воздухот ширум светот, а особено е погодена северната хемисфера на Земјата, пишува CNN.
Метеоролозите од Британската метеоролошка служба ги погледнаа нивните долгорочни прогнози за 2020 година за да видат какво ќе биде времето на Островот за 30 години. „Тоа не е вистинска прогноза, туку пример за тоа што е можно врз основа на прогнозата“, гласеше графиката што ја објавија.
Тоа „можно“ сценарио ќе стане реалност во понеделник и вторник на 18 и 19 јули.
Сајмон Ли, научник од Универзитетот Колумбија во Њујорк, кој ја проучува атмосферата, истакна дека хипотетичката прогноза за средината на јули 2050 година и вистинската оваа година се доста слични. „Во 2020 година, Met Office произведе хипотетичка прогноза за 23 јули 2050 година. Шокантно, прогнозата за вторник за поголемиот дел од Англија е речиси идентична“, тврди Ли.
Прогнозата на британските метеоролози за вторник, 19 јули, ќе биде нормална за 30 години.
Температурите во Британија се прогнозираат за 10 до 15 степени Целзиусови повисоки од нормалните на почетокот на следната недела. За прв пат во некои делови од земјата може да биде и 40 степени. Ова ги принуди британските метеоролози да издадат т.н црвено предупредување, односно наведуваат дека опасноста од горештини ќе биде многу голема во тие денови.
Највисоката температура некогаш забележана во Велика Британија била 38,7 степени Целзиусови, а била измерена во 2019 година во Ботаничката градина во Кембриџ.
