БУРЕКОТ Е СУЛТАНСКО ЈАДЕЊЕ И НА ПОЧЕТОКОТ БИЛ ВО ФОРМА НА КВАДРАТ

Кога утре ќе доручкувате „четврт со јогурт“, да знаете дека најпрво тој бил султански специјалитет, не бил тркалезен, туку во форма на квадрат, а зборот бурек значи-чалма.

Најчесто е исполнет со мелено месо или спанаќ и сирење, тој може да биде послужен замотан или како лазањи, а се послужува за доручек, ручек, вечера, ужина… Кога и да го јадете бурекот секогаш е сочен и вкусен.

Бурекот  дошол на територијата на поранешна Југославија кон крајот на 15 век, кога во Ниш бил создаден рецепт за „кружен бурек“. Рецептот за модерен кружен бурек е развиен во 1498 година а го претставил познатиот турски пекар Мехмед  Оглу од Истанбул.

Ниш на тој начин ја доби титулата „древна татковина на балканскиот бурек“, а од 2004 година таму се одржува манифестацијата Бурегџијада каде во 2011 година се пече најмалиот, но и најголемиот бурек во светот. Најмалата се печела во пивско капаче, а најголемата имала површина од 8 метри квадратни и тежела 200 килограми.

Тркалезен или квадратен, со сирење или со месо, нека Ви е наздравје.

И еден куриозитет за крај. Во некои земји на факултетите бурекот научно се истражува.