ЦЕНТАРОТ ЗА ПОДРШКА НА НВО-ГЕВГЕЛИЈА ГО СПРОВЕДУВА ПРОЕКТОТ „ЕДНАКВОСТ И МОЖНОСТ ЗА СИТЕ“

Проектот „Еднаквост и можности за сите!“ го спроведува Центар за поддршка на НВО – Гевгелија (РЦОР) како подгрантист на проекот „Низ женски леќи: покревање на политики и буџетски инициjативи, следење на спроведувањето на локалните акциски планови за родова еднаквост“ кој го спроведува Центар за истражување и креирање политики од Скопје, финансиран од Европска Комисија. Проектот е во времетраење од 12 месеци.

Цел на проектот е унапредување на родовата еднаквост во општина Гевгелија преку унапредување во планирањето на програмите во локалниот буџет на општината. Во рамки на проектот предвидени активности се: мониторинг на Програмата за еднакви можности, средби со општинската администрација и Комисијата за еднакви можности при Советот на општина Гевгелија, подготовка на извешати, организирање на јавен настан, подготовка и дистрибуција на информативен леток. Очекувани резултати се: препораки за подобрување на Програмата за еднакви можности; ревидирање на активностите предвидени во акцискиот план за родова еднаквост и негова реална имплементација; анализа дали распределбата на буџетот е извршен на родово рамноправен начин.