ДЕЈАН МАЛЗАРКОВ, СИТ ДАУН „ДИВЕРЗАНТ“:

ОД „МИТИНГОТ“ НА ДИВЕРЗИЈА ВО САЛАТА „26-ТИ АПРИЛ“ ЌЕ ИСПРАТИМЕ ПОРАКА ДО СИТЕ ОНИЕ КОИ СО СВОИ ОЧИ И УШИ ГЛЕДААТ И СЛУШААТ ДЕКА ПОЗАДИ НАШИОТ ХУМОР ИМА ДЛАБОКИ ПОРАКИ

 

Утре, среда, 20 јули, во Спортската сала „26 Април“ќе се одржи МИТИНГ по повод 6 години „Диверзија Production“.Зад овој проект стојат Дејан Малзарков, како истурен „центарфор“ и Димитар Новаков, позадинска поддршка. Гевгеличани многу добро го познаваат Дејан преку урнебесните видео клипови во кои дефилираат ликовите на Чик Ване, Пецко Иглесијас, Џоче Сатријани, Добрилка Доби Калакурова и други и кои имаат досега неколку милиони прегледи на you tube.

Не сакавме да го вознемируваме Дејан премногу пред утрешниот настап, па затоа еве телеграфски што ни одговори на нашите кратки прашања.

 

„Утре на „Митингот“ ќе биде многу жешко. Стоп.Се надеваме дека ќе предизвикаме насмевка и позитивна енергија кај публиката. Стоп. Ќе ги има сите ликови во кои ме знае публиката, па така и првиот лик Чик Ване, мојот прадедо кој го имитирав на мои две години. Стоп. „Митинг“, исто како и „Училница“ зборува за иронијата или дупките на модерното и одамна дисфункционално општество. Стоп. Подготвуваме и гостувања низ Македонија, да го промовираме гевгелискиот дијалект во оваа наша преубава татковина. Стоп. Проблем со инспирацијата немаме. Стоп.Во име на Диверзија, нашата позитивна група на ентузијасти и уметници им порачувам на сите кои што ќе дојдат на Митингот, дека се она што го ветивме пред настапот и ќе го оствариме.Стоп. “