ДЕНЕСКА Е СВЕТСКИОТ ДЕН НА ОКЕАНИТЕ
Неофицијално, овој ден се слави секој 8 јуни по предлог кој го дала Канада во 1992 за време на Самитот за планетата Земја кој се одржал во Рио де Жанеиро, Бразил, а бил официјално признат од страна на Обединетите Нации во 2008 година .
Тие се белите дробови на нашата планета, обезбедувајќи поголем дел од кислородот што го дишеме. Целта на денот е да се информира јавноста за влијанието на човековите активности врз океанот, да се развие глобално движење на граѓаните за океанот и да се мобилизира и обедини светското население на проект за одржливо управување со светските океани. Тие се главен извор на храна и лекови и клучен дел од биосферата.
Океаните служат како најголем светски извор на протеини.
Океаните апсорбираат околу 30% од јаглерод диоксид произведен од луѓето, амортизирајќи ги влијанијата на глобалното затоплување.
Најдолгиот планински венец во светот е под вода, наречен средноокеански гребен и се протега на 80.000 километри. До 1973 година никој не го проучувал овој гребен, а потоа подморницата „Архимед“ го направила првото истражување на ланецот.
Ровот Маријана е најдлабокото место во океанот, како и најдлабокото место во земјината кора, неговата најголема измерена длабочина е 11 км.
Интересно е што до 2000 година се сметаше дека има 4 океани, но од таа година официјалниот пристап е дека има 5 светски океани: Тихи (Пацифик), Атлантскиот, Индискиот, Јужниот и Арктичкиот океан.
