ЕДУКАТИВНА РАБОТИЛНИЦА „ДИЈАБЕТЕСОТ И ЈАС“ ВО САБОТА ВО ГЕВГЕЛИЈА

На ден 2 јули, 2022 година (сабота) во просториите на Пионерски дом Гевгелија со почеток од 10:30 часот ќе биде одржана Работилница „Дијабетесот и јас“ на Здружението на граѓани со дијабетес за општините Гевгелија, Богданци и Дојран. На работилницата ќе се обрати претседателот на СЗДСМ, г-дин Диме Велев, ќе биде потпишан Меморандум за соработка меѓу Здружението на граѓани за дијабетес од Гевгелија, Богданци и Дојран и ЈЗУ Општа болница со проширена дејност Гевгелија. Исто така на присутните ќе им биде измерено присуството на шеќер во крвта.

 

Здружението на граѓани со дијабетес за општините Гевгелија, Богданци и Дојран е пациентско здружение на лица со дијабетес кое ги застапува нивните права и интереси, и работи на унапредување и подобрување на животот на лицата со дијабетес. Дијабетесот за жал е состојба која е во подем како во светски, така и во локални рамки, па, достапната терапија, советите за животниот стил и едукациите се од голема важност за секое лице и неговата приказна со дијабетсот. Како пациентско здружение една од главните цели е континуираната едукација за потребите на лица со дијабетес, нивните блиски и семејства, како и едукација на општата популација со цел превенција и подобро справување со дијабетесот.