ГЕВГЕЛИСКИОТ МОТОЦИКЛИСТ, АНДРЕЈ МИЛКОВСКИ ГО ОСВОИ ТРЕТОТО МЕСТО НА ПРВАТА ТРКА НА ЕНДУРО ШАМПИОНАТОТ НА МАКЕДОНИЈА
Изминатиот викенд, во организација на Мото клубот „МОТОВЕЛЕС“, на познатата локација Ендуро полигон на Мото клубот „МОТОВЕЛЕС“, на ридовите на Езеро Млaдост, по 12 пат се одржа Ендуро трка од државниот шампионат во Ендуро за 2022 година.
На трката се натпреваруваа 35 мотоциклисти од целата држава во Е1, Е2, Е3 класа, а за прв пат се воведе и класата Е јуниор до 23 години.
Гевгелискиот мотоциклист, Андреј Милковски, кој настапува за „Ендуро тим Водно“, на овој шампионат го освои третото место. Андреј ќе го освоеше првото место, како и минатата година, бидејќи беше во водство до пред самиот крај, но само затоа што покажа голема хуманост, застанувајќи да види во каква состојба е неговиот клубски колега кој падна на патеката, беше казнет со 5 минути. Големо браво за неговата хуманост.
