ИЗЛОЖБА ПОД ВЕДРО НЕБО „МАНАСТИРИТЕ И ЦРКВИТЕ ВО ГЕВГЕЛИСКО – СТАРА ГЕВГЕЛИЈА“ ВО ЧЕСТ НА СПАСОВДЕН
Вечерва, 1 јуни, со почеток од 21.00 часот, пред платото на Народниот театар граѓаните ќе имаат можност да ја проследат изложбата МАНАСТИРИТЕ И ЦРКВИТЕ ВО ГЕВГЕЛИСКО (СТАРА ГЕВГЕЛИЈА) по повод празникот Вознесение Христово – Спасовден.
Ќе може да се погледнат фотографии од неколку цркви и манастири заедно со облековната култура на овој регион. Исто така ќе може да се проследат и фотографии од неколку локации во градот, станува збор за стара архаична градска архитектура на заштитени споменици, исто така во придружба на облековна култура од периодот на Ала франга.
Покрај фотографиите, ќе биде промовиран и видео материјал од целиот процес на изработка на проектот. Изложбата е во продукција на Дом на култура „Македонија“, во соработка со Ансамбл Македонија, а под покровителство на Општина Гевгелија.
