ЈАВЕН ПРОТЕСТ НА „СОЈУЗОТ НА БОРЦИТЕ“ ОД БИТОЛА ПОРАДИ ОТВОРАЊЕ НА КУЛТУРНИОТ ЦЕНТАР „ВАНЧО МИХАЈЛОВ“
Сојузот на борците од Народноослободителната и Антифашистичката војна на Македонија 1941-1945 и граѓаните продолжувачи, како организација која се грижи за негување на придобивките од Народноослободителната и Антифашистичката војна и за чување на традициите и придобивките од Народноослободителната борба и Антифашистичката војна на Македонија и од националноослободителната борба и востанијата на македонскиот народ од подалечното минато изразува Јавен протест
1. Заради отворањето на „Културен центар Иван Михајлов – Клуб Ванчо Михајлов, ВМРО“ во Битола, бидејќи преку името на еден од најголемите експоненти на фашизмот и недвојбениот соработник на фашистичките главешини Хитлер, Мусолини, Анте Павелиќ и царот Борис III, се врши промоција и рехабилитација на фашистичката идеологија,
2. Заради антимакедонските политики на официјална Софија која преку поддршката и промоцијата на „Културен центар Иван Михајлов – Клуб Ванчо Михајлов, ВМРО“ во Битола, врши директен напад врз македонскиот антифашизам, врз борците за национална и социјална слобода на македонскиот народ и врз борбата за афирмација македонскиот национален идентитет и создавање на македонската национална држава.
3. Заради односот на македонската влада која толерира промоцијата на „Културен центар“ кој е именуван со името „Иван (Ванчо) Михајлов“, преку што директно и индиректно ја помага рехабилитацијата на фашизмот и антимакедонизмот од минатото.
4. Заради молкот и индолентниот однос на македонските политички партии за формирањето на Клуб кое го носи имито „Ванчо Михајлов“, со што го одобруваат ова јавно понижување на македонскиот народ и антифашизмот како идеја и пракса од македонската историја и што со тој нивни молк се солидаризираат со промоцијата на политики од минатото кои биле и се насочени против постоењето на македонската нација и македонската државност.
