КОНЦЕРТ НА КАМЕРНИОТ ОРКЕСТАР НА БИТОЛА СО „РОК СИМФОНИЈА“ ВО ГЕВГЕЛИЈА
Во четврток, на 30 ти мај, на плоштадот во Гевгелија, по повод Europe Day 2024, ќе се одржи концертот на Камерениот Оркестар на Битoла насловен како “Рок Симфонија”.
Заедно со оркестарот, на сцената ќе настапат познати македонски изведувачи кои со своите уникатни гласови ќе ги разбудат емоциите и ќе ја подигнат атмосферата, со изведба на најголемите македонски рок песни.
Настапуваат: Дани Димитровска, Ружица Брчиоска (АРЕА), Јасна Димитровска, Сашо Паркет и Наде Талеска.
Пред почетокот на овој концерт, ќе се одржи и Концертот на детскиот интернационален фестивал “Калинка”, каде учество ќе земат деца кои ќе изведуваат песнички од овој детски фестивал. Концертот ќе започне во 18:00 часот.
