МАКЕДОНИЈА НЕ ГО ДАВА ИДЕНТИТЕТОТ И ЈАЗИКОТ
Политичкиот врв во Македонија не коментира за детали за францускиот предлог, но велат за идентитетот и јазикот нема да се преговара. Францускиот предлог за укинување на бугарското вето за македонските преговори со ЕУ е во сенка на тензичките настани во бугарското собрание околу пратеничкото мнозинство и најавеното гласање за недоверба за бугарската влада, во вторник.
За македонскиот идентитет и македонскиот јазик нема да се преговара, изјави денеска македонскиот премиер Димитар Ковачевски на прес конференцијата на „Преспа форум за дијалог, одговарајќи на новинарските прашања за содржината на францускиот предлог за укинување на бугарското вето за македонските преговори со ЕУ. Тој уште еднаш повтори дека до македонските власти не е пристигнат предлог кој е усогласен од сите земи членки на ЕУ.
