МАТУРСКИ ТАНЦ 2024 ВО ГЕВГЕЛИЈА
90 матуранти од СОУ„Јосиф Јосифовски“ утре, петок, 17 мај, точно во 12 часот, доколку времето дозволи, на шеталиштето во Гевгелија ќе го одиграат познатиот матурски квадрил, како дел од годинашната „Матурска парада 2024“.Изминатите денови тие вежбаа под будното око на Активот на спортот при СОУ „Јосиф Јосифовски“ на чело со Јулија Беќарова.
Матурантите ќе играат на музиката од Штраусовата опера „Лилјакот“, на која ќе го танцуваат квадрилот, заедно со нивните врсници од Валандово..
Доколку временските услови се лоши, Матурската парада ќе се изведе во спортската сала „26 Април“.
