МЕТОДИЈА ИЧЕВ НАСТАПИ НА УЛТРА ТРЕИЛ ТРКАТА „ISTRIA 100“ ВО ХРВАТСКА
Над 2.500 тркачи овој викенд настапија Ултра треил трката „ISTRIA 100“ на хрватскиот полуостров Истра. На оваа неверојатно возбудлива тркачка авантура, се натпреваруваат тркачи во 5 категории: 100 милји, 110 , 69, 42 и 21 километар.
Меѓу нив беше и нашиот сограѓанин и член на ЗПСК „Кожуф“, Методија Ичев, кој настапи на трката на 69 километри, со висинска разлика од 2220 метри, на која настапија 555 тркачи, и постигна време од 11 часа и 19 минути. Патеката за оваа трка поминува низ бујни шуми, длабоки кањони и недопрени пејзажи кои го сочинуваат магичниот регион во облик на срце на Јадранското Море.
„Овие трки, ни кажа Ичев, се многу популарни во целиот свет, а за мојот настап може да кажам дека беше многу напорен, бидејќи времето беше сончево со влажност на воздухот од 80%. “
